ضحكت اّمن القهر يالسيد المجنون
بكيت اّمن الفرح يالصادق الحساس
اجيلك من همومي والحزن مطعون
واعود منّك صدري يحبس الانفاس
جروحك مالها بـ خزنة شقاي ديون
فقير ولقمتي ونه وشربي ياس
ادور من عيوني للسهر ماعون
واصب الشوق من عضة شفاي بـ كاس
تضايقت وكتمت وقلت : علـ تهون
واثاري ضيقتي ديره وصمتي ناس
فقارى بـ جوعهم ماتوا ولايدرون
بـ ديره مابها غير القلق نوماس
من اول كنت اخاف ان العقيق يخون
اصابيع الوفا .. ثمـ يبكي االالماس
ويمطر من سحابة فكري المسكون
قصيد ٍ خالطه من روعته وسواس
على ذاك ****** الطاهر المصيون
على رمز العفاف المترف المياس
وانا اللي زارعه وسط الفؤاد (عّيون)
وعينت الضلوع لـ حضرته حراس
نبت بي وامتطا خيل الفراق بـ هون
ولافكر يودعني بـ حبة راس
يقولون الشجر شامخ واقول : شلون ؟
مدام انّ الشجر يرضخ لـ ضربة فاس..!
ــــــــــــــــــــــــــــــــــــــــــــــــــ ـ
الشاعر / علي البوعينين التميمي